Chanzo cha picha, Getty Images
Rais wa Urusi Vladimir Putin amewashutumu viongozi wa maasi ya Wagner wikendi iliyopita kwa kutaka "kuiona Urusi ikizongwa na mapigano ya umwagaji damu".
Katika hotuba fupi iliyojaa salfa Bw Putin aliapa kuwafikisha waandalizi wa uasi "kwenye mizani ya haki".
Lakini aliwaita wanajeshi wa kawaida wa Wagner "wazalendo" ambao wangeruhusiwa kujiunga na jeshi, kwenda Belarusi au kurudi nyumbani.
Hakumtaja moja kwa moja bosi wa Wagner Yevgeny Prigozhin, ambaye awali alikana kujaribu kuupindua utawala wa Bw Putin.
Wagner ni jeshi la kibinafsi la mamluki ambalo limekuwa likipigana pamoja na jeshi la kawaida la Urusi nchini Ukraine.
Uasi wa muda mfupi, ambao ulishuhudia wapiganaji wa Wagner wakiteka mji mkubwa wa Urusi kabla ya kuelekea kaskazini kuelekea Moscow katika safu ya magari ya kijeshi, ulikuwa jibu kwa mipango ya serikali ya kuchukua udhibiti wa moja kwa moja wa Wagner, Prigozhin alidai katika taarifa ya sauti ya dakika 11 iliyochapishwa kwenye Telegram siku ya Jumatatu.
Mnamo mwezi Juni, Urusi ilisema "makundi ya kujitolea" yangeombwa kutia saini mikataba ya Wizara ya Ulinzi katika hatua inayoonekana kuwa tishio kwa Prigozhin kudhibiti kundi la Wagner.
Mkuu huyo wa mamluki alisema uasi wake pia ulikuwa maandamano dhidi ya makosa yaliyofanywa na maafisa wa ulinzi wakati wa vita na Ukraine.
Lakini alisisitiza kwamba Wagner alikuwa amechukua hatua kila wakati na kwa masilahi ya Urusi tu.
Haya yalikuwa maoni ya kwanza ya umma kwa Prigozhin tangu kukubali makubaliano ya kusitisha uasi, ambayo inaripotiwa kuwa ni pamoja na yeye kwenda Belarus na mashtaka yote ya jinai dhidi yake yakitupiliwa mbali - ingawa vyombo vya habari vya serikali ya Urusi, vikiwanukuu maafisa, vimeripoti kuwa bado anachunguzwa.
Alisema kuwa alimaliza maasi "kumwaga damu ya wanajeshi wa Urusi", akiongeza kuwa baadhi ya raia wa Urusi walisikitishwa na maandamano yaliyotokea.
Lakini alikuwa na uchungu akielezea kwa kusisitiza kwamba hakuwa na nia ya kujaribu kupindua mamlaka iliyochaguliwa ya Urusi.
Ilikuwa sauti tu kwa hivyo haijulikani Prigozhin yuko wapi sasa au atafanya nini baadaye.
Chanzo cha picha, Reuters
Yevgeny Prigozhin
Chanzo cha picha, Getty Images
Katika hotuba yake fupi kwa watu wa Urusi, Bw Putin alisema waandalizi wa maandamano ya Moscow "watafikishwa mbele ya sheria" na akaeleza kuwa mshirika wake wa zamani Prigozhin aliisaliti Urusi.
Alitumia hotuba hiyo kama jaribio la kuthibitisha mamlaka yake, na kupinga maoni yaliyopo kwamba majibu yake kwa uasi wa Wagner yalikuwa dhaifu. Toni yake katika hotuba hiyo fupi, iliyorekodiwa ilikuwa ya hasira huku midomo yake ikijikunja.
Ujumbe wa rais ulikuwa kwamba wale walioandaa uasi walikuwa wameisaliti nchi yao na watu wao - na walikuwa wakifanya kazi ya maadui wote wa Urusi kwa kujaribu kuiingiza katika umwagaji damu na mgawanyiko.
Alizishutumu nchi za Magharibi kwa kutaka Warusi "wauane", lakini Rais wa Marekani Joe Biden aliuambia mkutano na waandishi wa habari siku ya Jumatatu kwamba Marekani na washirika wake hawakuhusika katika uasi wa Wagner ambao haukufaulu.
Bw Putin alisema kuwa usimamizi wake wa mgogoro huo umeepusha maafa.
He also said he would keep his promise to allow Wagner troops who did not "turn to fratricidal blood" to leave for Belarus.
Pia alisema atatimiza ahadi yake ya kuruhusu wanajeshi wa Wagner ambao "hawakugeukia damu ya ndugu" kuondoka kuelekea Belarus.
"Nawashukuru wale wanajeshi na makamanda wa Kikundi cha Wagner ambao walifanya uamuzi sahihi pekee - hawakugeukia umwagaji damu wa kindugu, walisimama kwenye mstari wa mwisho," alisema.
"Leo, una fursa ya kuendelea na huduma yako kwa Urusi kwa kutia saini mkataba na [Wizara ya Ulinzi] au vyombo vingine vya kijeshi na kutekeleza sheria, au kurudi kwa familia yako na watu wa karibu.
"Wale wanaotaka wanaweza kuondoka kwenda Belarus. Ahadi ambayo nilitoa, itatekelezwa."
Bw Putin alisema "hatua zilichukuliwa ili kuepusha umwagaji damu mwingi" mwanzoni mwa uasi huo, na kwamba waandalizi wake "waligundua kuwa vitendo vyao ni vya uhalifu".
Alipongeza umoja wa jamii ya Urusi na kumshukuru kiongozi wa Belarus Alexander Lukashenko, ambaye inasemekana ndiye aliyefanikisha mpango huo wa kumaliza maasi, kwa juhudi zake za kutatua hali hiyo kwa amani.
Mazungumzo ya rais kuhusu nchi iliyoungana nyuma yake yanatofautiana vikali na picha za Jumamosi kutoka mji wa kusini wa Rostov, ambapo kundi la Wagner lilikuwa limedhibiti na wenyeji waliwapigia makofi wapiganaji mitaani, wakiwakumbatia na kupiga nao picha.
Labda hiyo ndiyo sababu Bw Putin aliwapa wanachama wa Wagner njia ya kutoka, akipendekeza kuwa wamedanganywa na kutumiwa.
Uasi wa wiki iliyopita ulifuatia miezi kadhaa ya mvutano uliokua kati ya Wagner na uongozi wa kijeshi wa Urusi.
Mapigano yaliibuka Ijumaa usiku wakati mamluki wa Wagner walipovuka mpaka kutoka kambi zao huko Ukraine na kuingia katika mji wa kusini wa Rostov-on-Don - ambapo vita vya Urusi vinaelekezwa kutoka.
Kisha waliripotiwa kuchukua kamandi ya jeshi la mkoa huku safu ya magari ya kijeshi ikienda kaskazini kuelekea Moscow.
Prigozhin alidai "maandamano yake ya haki" yalifichua "matatizo makubwa ya usalama kote nchini".
Pia alitaja jukumu ambalo Bw Lukasjenko alikuwa ametekeleza katika kufanikisha mpango wa kukomesha uasi, akisema kiongozi huyo amempa Wagner njia ya kuendelea kufanya kazi katika "mamlaka ya kisheria".
Bosi huyo wa mamluki alikiri kuandamana kwake kulisababisha vifo vya baadhi ya wanajeshi wa Urusi wakati mamluki wa Wagner walipoangusha helikopta zilizokuwa zikishambulia.
Lakini aliongeza kuwa "hakuna hata mwanajeshi mmoja aliyeuawa ".
"Tunasikitika kwamba tulilazimika kushambulia ndege, lakini walikuwa wakitupiga kwa mabomu na makombora," alisema.